Ауыл мен қала арасындағы цифрлық алшақтық қысқарады

ERNUR.KZ. Ауыл тұрғындары үшін цифрлық қызметтер әлеміне енудің тағы бір құралы пайда болды, деп жазады zakon.kz.

ҚР Цифрлық даму, инновациялар және аэроғарыш өнеркәсібі министрлігі "Қазақтелеком" АҚ-мен бірге мемлекеттік-жекешілік әріптестік шеңберінде ауылдық елді мекендерде eQoldau жалпыға қолжетімді пункттерінің желісін құрды, олардың көмегімен тұрғындар электрондық сервистердің кең спектрін ала алады. Ақмола облысы Андреевка ауылының әкімдігінде ашық қолжетімділіктің бірінші пункті орнатылды, онда ҚР Цифрлық даму, инновациялар және аэроғарыш өнеркәсібі вице-министрі Асхат Оразбек қызметімен танысып үлгерді.

Айта кетейік, өзіне-өзі қызмет көрсету терминалдары бүкіл ел бойынша 553 ауылдық әкімдікте орнатылады, осы пункттер арқылы тұрғындар мемлекеттік қызметтерді жеңіл әрі тез ала алады, маркетплейстерде техника мен түрлі тауарларды, сондай-ақ теміржол және авиабилеттерді сатып ала алады, коммуналдық қызметтер үшін онлайн-төлемдер, аударымдар жасай алады, дәрігердің қабылдауына жазыла алады және телемедицина сервистеріне қол жеткізе алады, пошта қызметтеріне және курьерлік жеткізілімдерге тапсырыс беруіне де мүмкіндік бар. Сонымен қатар, eQoldau Wi-Fi сигналын бере алады, оған қосылу арқылы ауыл тұрғындары Интернетті өздерінің гаджеттерінде қолдана алады.

"ҚҚО-ны қала мен ауыл арасындағы цифрлық теңсіздікті жоюдың тағы бір қадамы деп санауға болады. Осылайша, біз әдеттегідей ауылды қалаға емес, қаланы ауылға жақындатамыз. Ауыл халқы қалада алатын барлық қызмет түрлерін ала алады. Осы жерден аудандық халыққа қызмет көрсету орталықтарына барудың қажеті жоқ. Өткен жылы осындай ауылдық пункттер еліміз бойынша 1250 талшықты-оптикалық байланыс желісі орнатылды. Андреевка ауылына біз осындай құрылғыны орнатқан алғашқы ауыл болады. Менің ойымша, барлық ауылдық елді мекендерге осы сервиспен орнатамыз", деп атап өтті ҚР Цифрлық даму, инновациялар және аэроғарыш өнеркәсібі вице-министрі Асхат Оразбек.

Сондай-ақ eQoldau ашық қолжетімділік пункттері арқылы ауыл тұрғындары электрондық цифрлық қолтаңбаларды алып, "Азаматтарға арналған үкімет" мемлекеттік корпорациясы Egov.kz порталын, Enpf.kz бірыңғай зейнетақы қорының сайтының барлық мүмкіндіктерін пайдалана алады. Жалпы жаңа бөлімдер мен қызметтерді қосу арқылы серіктестік экожүйесін дамыту жоспарлануда.

"Бүгінгі таңда self-service нарығында бар шешімдер көбінесе монофункционалды болып табылады және белгілі бір ұқсас міндеттерді орындауға бағытталған. Біз ұсынатын өзіне - өзі қызмет көрсету аймақтары - eQoldau ауылдық елді мекендерге цифрландырудың кіру нүктелері деп атауға болады, бұл ауыл тұрғынына бір жерде бірден бірнеше мәселені шешуге, түрлі қызметтер мен сервистерді алуға мүмкіндік беретін кешенді сервис. Яғни, халық үшін eQoldau терминалы – цифрлық қызметтер әлеміне апаратын өзіндік сара жол секілді", деді "Қазақтелеком" АҚ стратегиялық басқару жөніндегі бас директоры Батыр Маханбетәжиев.

Шынында да, ауылдарға цифрландырудың кіру нүктесі қағидаты бойынша eQoldau ашық қол жеткізу пункттерінің желісін құру ауылдық елді мекендерге талшықты-оптикалық байланыс желілерін орнату жөніндегі ірі жобаны іске асырғаннан кейін мүмкін болды.

Бұдан басқа, Андреевка ауылында Цифрлық даму, инновациялар және аэроғарыш өнеркәсібі министрлігі мен "Қазақтелеком" арасында ауыл әкімдіктерін қоғамдық қол жеткізу пункттерімен жабдықтау бойынша ынтымақтастық туралы Меморандумға қол қойылды.