Оқиғаның Қазақстанның қай өңірінде болғаны белгісіз.
ERNUR.KZ. Әлеуметтік желіде кішкентай баланы малдың ішегімен қылқындырып жатқан бейнежазба тарады, деп жазады azattyq-ruhy.kz.
Видеода ер адам жер үстелдің жанында ойнап жүрген сәбидің артынан келіп, кенеттен мойнына ішек салады. Бала тұншығып, тілін шығарып, қайта-қайта лоқсып, кішкентай денесі бүкірейіп кетеді. Ал дастархан басында отырғандар ер адамның қылығын күле қабылдайды. Бір әйел адамның «жай қылқындыр» деген сөзі естіледі.
Желі қолданушылары бенежазбаға әртүрлі пікір қалдырған. Кейбірі бұл әрекетті «баланың тілі ерте шығу мақсатында жасайтын ырым» деп атаса, кейбірі сәбиді маманға көрсетуге кеңес берген.
