Мәжіліс депутаты Ерлан Саиров Атырауда өткен Amanat партиясы жанындағы Сыбайлас жемқорлыққа қарсы іс-қимыл республикалық кеңесінің көшпелі отырысында куәгерлер ӨКМ операторының соңғы бенефициары ретінде Әлия Назарбаеваны көрсеткенін мәлімдеген болатын.
ERNUR.KZ. Бас прокурордың орынбасары Әсет Шындалиев Әлия Назарбаеваның қылмыстық жауапкершілікке тартылуы туралы сұраққа жауап берді, деп жазады tengrinews.kz.
Шындалиевтің айтуынша, ол Назарбаеваға қатысты Бас прокуратураға түскен өтінішті көрмеген.
"Мен айттым: егер қылмыс құрамы болса, қандай да бір ақпарат болса, қылмыстық қудалау туралы шешімді қылмыстық қудалауды жүзеге асыратын тиісті мемлекеттік органдар қабылдауы керек. Бізде осындай бірнеше орган бар: Антикор бар, экономикалық тергеу қызметі бар, Ішкі істер министрлігі бар. Егер ақпарат келіп, дәлелдер болса, олар шешім қабылдауы керек. Менде әзірше мұндай ақпарат жоқ", - деді Бас прокурордың орынбасары Мәжіліс кулуарында.
Еске сала кетейік, бұған дейін Мәжіліс депутаты Ерлан Саиров Атырауда өткен Amanat партиясы жанындағы Сыбайлас жемқорлыққа қарсы іс-қимыл республикалық кеңесінің көшпелі отырысында куәгерлер ӨКМ операторының соңғы бенефициары ретінде Әлия Назарбаеваны көрсеткенін мәлімдеген болатын.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
