Болат Назарбаевтың қайтыс болғаны расталды

13.11.2023 10:22

547

Бұған дейін бірқатар БАҚ Болат Назарбаев бүгін көз жұмғанын хабарлаған болатын.

ERNUR.KZ. Тұңғыш президент Нұрсұлтан Назарбаевтың баспасөз хатшысы Айдос Үкібай Болат Назарбаевтың қайтыс болғанын растады, деп жазады sputnik.kz.

"71-ге қараған шағында созылмалы ауырудың салдарынан Қазақстанның Тұңғыш президенті Нұрсұлтан Назарбаевтың туған інісі Болат Әбішұлы Назарбаев дүниеден озды", - деп жазды ол әлеуметтік желідегі парақшасында.

Кейінірек Алматыдағы Орталық клиникалық аурухана да ақпаратты растады.

"2023 жылдың 13 қарашасында сағат 09.51-де Болат Назарбаев қайтыс болды", - деп жазылған хабарламада.

Еске сала кетейік, бұған дейін бірқатар БАҚ Болат Назарбаев бүгін көз жұмғанын хабарлаған болатын.