Борышкерлер тізіміне енген азаматтар құмар ойынға ұтылған ақшасын қайтаруды талап ете алады

15.11.2024 14:52

132

Комитет Азаматтық кодекстің 8-бабына сілтеме жасап, ешкім адал емес әрекеттерден пайда табуға құқығы жоқ екенін атап өтті. Бұл борышкерлердің өтініштерін қарау кезінде де ескеріледі.

ERNUR.KZ. Букмекерлік бизнесті реттеу комитеті борышкерлер тізіміне енгізілген азаматтарға қаражатты қайтару және букмекерлерге тексеру жүргізу мәселелері бойынша өтініш беру мүмкіндігі туралы хабарлады, деп жазады Ulysmedia.kz.

Қазақстан Республикасының Кәсіпкерлік кодексіне сәйкес, физикалық тұлға құмар ойындарды ұйымдастырушылар тарапынан заңбұзушылықтар болған жағдайда, жоспардан тыс тексеру жүргізу үшін өтініш бере алады. Бұл үшін бәс тігу тарихының скриншоттары немесе жеке кабинеттегі деректер сияқты материалдар ұсынылуға тиіс.

Сонымен қатар, ведомство борышкерлер тізімде тұрғанына қарамастан, құмар ойындарға қатысуға бәрібір тырысатынын атап өтті. Көбіне олар үшінші тұлғалардың аккаунттарын пайдаланып бәс тігетін болып шықты.

Егер мұндай азаматтарға құмар ойындарға қатысуға рұқсат етілсе және олар ұтылса, олар букмекерлерге қарсы шағым беріп, ұтылған қаражатын қайтаруды талап етеді. Ал жеңіске жеткен жағдайда мұндай шағымдар жасалмайды. Комитеттің хабарлауынша, бұл жағдайда жауапкершілік тек қатысушыларға ғана емес, сондай-ақ, олардың ойынға қатысуына жол берген букмекерлерге де жүктеледі.

Әділет министрлігінің Борышкерлердің бірыңғай тізіміне енгізілген адамдарға құмар ойын ойнауға, бәс тігуге заңмен тыйым салынған. Қазақстанда букмекерлік кеңселердің жарнамасы шектелген.

2024 жылдың тамыз айына дейін 150 мыңнан астам қазақстандық құмар ойындардан өзін-өзі шектеу қызметін пайдаланған. 9 қыркүйекте Қазақстанда Құмар ойындар мен лотереяларды реттеу комитеті құрылды.