Депутат Жигули Дайрабаев ұлдарына қатысты даудан кейін мандатын тапсыра ма? Депутат жауап берді

ERNUR.KZ. Енді ол мандатын тапсыра ма? Бұл сұраққа "Ауыл" фракциясының мүшесі, депутат Анас Баққожаев жауап берді, деп жазады tengrinews.kz.

Мәжіліс алаңында журналистердің сұрақтарына жауап берген Баққожаев бұл іске Жигули Дайрабаевтың қатысы жоғын айтты.

"Ол депутаттық мандатын тапсырмайды. Мен фракциясының мәлімдемесін айтайын. Біз оған ешқандай мін таға алмаймыз", - деді Анас Баққожаев.

Журналист Анас Баққожаевтан "Жигули Дайрабаевтың балалары сотталғанда, оның Мәжілісте отырағаны қаншалықты орынды?" деген сұрақ қойды.

"Біріншіден, оның жеке басына қатысты істе (қылмыстық - еск.) айтылмаған. Екіншіден, оның балалары - ересек азаматтар. Олар (өз істеріне - еск.) өздері жауап беруі керек. Олар ауыл шаруашылығымен өмір бойы айналысып келе жатыр. Тәуекелдің барын біледі. Өздерін қорғап, өздері жауапты болуы керек", - деп жауап берді фракция мүшесі.