Еліміздегі су инфрақұрылымының басым бөлігі кеңестік кезеңде салынған және жаңартылмаған.
Оның айтуынша, 2024 жылы Ақтөбе облысындағы Елек өзеніндегі су қоймасын қайта жаңарту, сондай-ақ бес жыл бойы тоқтап тұрған Қызылорда су торабын қайта жаңарту жұмыстары аяқталды.
«Сондай-ақ Атырау облысы Индер ауданының «Ақсай» каналын реконструкциялауды және Түркістан облысындағы Тоғыз су қоймасының инженерлік-техникалық бекінісін жаңғыртуды аяқтадық. Жалпы, бүгінде салада ауқымды жаңғыртулар іске асырылуда, оның іс-шаралары еліміздің барлық өңірін қамтиды және 42 су қоймасын салуды, 37 су қоймасын қайта жаңартуды, сондай-ақ 14,5 мың шақырым суару каналдарын жөндеуді және қайта жаңартуды көздейді», – деді спикер.
Комитет гидротехникалық құрылыстарды салу және реконструкциялау бөлігінде республиканың 6 өңірінде орналасқан 12 жобаны іске асыруда. Желтоқсан айының соңына дейін Түркістан облысындағы Қапшағай су қоймасын қайта жаңарту және Батыс Қазақстан облысында 58 жылда алғаш рет Киров су қоймасын күрделі қайта жаңарту аяқталады. Осы жобалардың орындалуы 96,9 млн м3 судың жиынтық жобалық көлемін қауіпсіз жинақтауға және су тасқыны кезеңінде аса маңызды болып табылатын сенімділік пен беріктікті арттыруға мүмкіндік береді.
Сондай-ақ Түркістан облысында орналасқан «Р-6» каналын реконструкциялауды аяқтау жоспарланған. Ол өңірдің суармалы жерлерін сумен қамтамасыз ету үшін каналдың өткізу қабілетін қалпына келтіруге және тиімділігін арттыруға ықпал ететін болады. Сонымен қатар «Альбарбогет» бөгетін қайта құруды аяқтау көзделген. Бұл гидротехникалық құрылыс Қостанай облысыЖангелдин ауданының ауылдық елді мекендерін су басудың алдын алуға ықпал ететін болады және өңірдің мал шаруашылығының жемшөп базасын жақсартуға қызмет етеді.
Бұдан бөлек, Комитет 214 жобаның жобалық-сметалық құжаттамасын әзірлеуде.
![](/assets/thumbnails/ef/ef48f00762c371f058c0521dc1311931.jpg ""Сендер әкесіз өспесін дедім"")
