Халықаралық физика олимпиадасының (IPhO-2026) 5 жеңімпазы елге оралды.
Фото: gov.kz
ERNUR.KZ. Алматы халықаралық әуежайында Халықаралық физика олимпиадасының (IPhO-2026) жеңімпаздарын салтанатты қарсы алу рәсімі өтті. Оларды оқу-ағарту министрі Жұлдыз Сүлейменова бастаған топ Алматы әуежайында күтіп алды, деп жазады inbusiness.kz.
Халықаралық физика олимпиадасы 4-12 шілде аралығында Колумбияның Букараманга қаласында өтті. Оған әлемнің 85 елінен 381 оқушы қатысты. Қазақстан құрамасы өз тарихында алғаш рет 5 алтын медаль жеңіп алды. Олар: Нұргүл Егенбергенова, Әмірбек Азатбеков, Ілияс Қазымбек, Роман Черемнов және Дамир Құрман.
Ұлттық құрамаға Гүлия Нұрбақова, Самат Мақсұтов және Әлішер Еркебаев жетекшілік етті.
Жеңімпаздарды әуежайда күтіп алған оқу-ағарту министрі Жұлдыз Сүлейменова оқушыларды тарихи жетістікпен құттықтады. Министр ұлттық құраманы жоғары деңгейде дайындауға және тарихи нәтижеге жетуге үлес қосқан педагогтер мен тәлімгерлерге алғыс білдірді.
Ұлттық құраманың тарихи жеңісі – барша қазақстандықтар үшін зор мақтаныш әрі жас ұрпаққа шабыт беретін жарқын үлгі.
![](/assets/thumbnails/49/4906598b48540c5983e35016835c0389.jpg ""8 айлық баласы бар": Жетісу облысында 19 жастағы әйел анасымен бірге қамауға алынды")
