Компания Қытайдағы бағыттардың географиясын кеңейтіп жатыр.
Sputnik / Andranik Ghazaryan
ERNUR.KZ. Қазақстандық лоукостер FlyArystan Астанадан Ининге (Құлжа) тікелей рейс ашатынын жариялады, деп жазады sputnik.kz.
Алғашқы рейс 2026 жылдың 28 қазанында орындалады. Ұшақтар аптасына екі рет – сәрсенбі және сенбі күндері қатынайды.
"Жаңа бағыт FlyArystan-ның Ининге ашқан екінші бағыты болады. 2025 жылдың мамырында әуе компаниясы Қазақстандық тасымалдаушылар арасында алғаш болып Алматы – Инин (Құлжа) бағыты бойынша тікелей әуе қатынасын ашты. Бірінші жылдың қорытындысы бойынша бұл бағыт тұрақты сұранысқа ие болды, ал 2026 жылы рейстердің жиілігі аптасына төрт ретке дейін арттырылды", – деп атап өтті компания.
Астана – Инин рейсінің ашылуы FlyArystan-ның Қытайдағы халықаралық маршруттық желісін кеңейтуді жалғастырады. 2026 жылы әуе компаниясы Астанадан Үрімшіге рейстерді қайта бастады, сондай-ақ Ақтау – Үрімші, Алматы – Сиань және Алматы – Чунцин бағыттарын ашты.
![](/assets/thumbnails/35/35a5cd168d3c800e3e2843b5d3605699.jpg ""Ота жасалса, 3-4 ай сахнаға шықпайды": Сәкен Майғазиев Кенжебек Жанәбіловтің жағдайын айтты")
![](/assets/thumbnails/1a/1ab7de3cb74508e0db26f40bb1a15e8f.jpg ""Өзгелер ішпесін деп": Қырғызстандықтар ішімдікті сатып алып, төгіп жатыр")
