Мефедрон сатқан адам ұсталды.
ERNUR.KZ. Қарағандыдағы түнгі клубтардың бірінде полицияның арнайы жасақтары операция жүргізді. Нәтижесіде мефедрон сатқан адам ұсталды, деп жазады tengrinews.kz.
Ол 30 жастағы клуб қызметкері болып шықты. Алдын ала мәлімет бойынша, күдікті мекеменің клиенттеріне ұзақ уақыт бойы синтетикалық есірткі сатып келген.
"Полицейлер арнайы іс-шара өткізді, оның барысында синтетикалық есірткі заттарын өткізу деректері тіркелді. Ұсталған кезде 30 жастағы күдіктіден синтетикалық есірткі - мефедрон табылып, тәркіленді. Сондай-ақ, түнгі клубта санкцияланған тінту кезінде 40 травматикалық патрон тәркіленді", - деп хабарлады Қарағанды облысы ПД баспасөз қызметі.
Ұсталған адам тұратын жалдамалы пәтерде де тінту жүргізілді. Полицейлер түрлі есірткі заттарын тәркілеген.
"Оның ішінде: пакеттер, шегуге арналған түтіктер, есірткіні қолдануға арналған аппарат, электрон таразы және ұялы телефондар. Осы факт бойынша қылмыстық іс қозғалды, жан-жақты тергеу жүргізіліп жатыр. Істің негізгі қатысушысы уақытша ұстау изоляторына қамалды", - деп толықтырды ведомство.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
