Қаза болған кеншілерге өтемақы төленеді

Бір қызметкер әлі де ауыр жарақатпен ауруханада жатыр.

Біз болған оқиғаны анықтауға ниеттіміз және жазатайым оқиғаның себептерін және оның қалай алдын алуға болатынын анықтау үшін уәкілетті органдармен тығыз жұмыс істейміз. Біз осы қайғылы жағдайдың салдарынан қайтыс болған отбасылардың күйреуі мен қайғысына ортақпыз. Біздің басты міндетіміз - оларға жан-жақты қолдау көрсету, - деді «АрселорМиттал Теміртау» басшылығы.

Бұл қолдау шаралары келеісдей:

- Жерлеуге байланысты барлық шығынды компания мойнына алады.

- Әрбір зардап шеккен отбасына қаза тапқан қызметкерлердің он жылдық жалақысы мөлшерінде біржолғы төлем.

- Әр балаға 18 жасқа дейін ай сайынғы сақтандыру төлемі (егер бала студент болса, 23 жасқа дейін).

- Күндізгі оқу нысанындағы алғашқы білім алуға және 23 жасқа дейінгі балалар үшін барлық ілеспе шығыстарға ақы төлеу.

- Баспанасы жоқ адамдар үшін тұрғын үй сатып алу немесе ол үшін біржолғы өтемақы.

- Қолда бар тұрғын үйді жөндеуге қаржылай көмек. Ипотекалық төлемдердің белгілі бір бөлігін жабу.

- Компания кәсіпорындарында әйелдер мен балаларды жұмысқа орналастыруға жәрдемдесу.

- Әйелдер мен балаларға арналған шипажайлар мен балалар лагерлеріне жыл сайынғы жолдамалар.

Компания қаза тапқандар мен зардап шеккендердің отбасылары алдындағы өзінің барлық әлеуметтік міндеттемесін мүлтіксіз орындайтынын атап өтті.

Мен бұл қайғылы оқыс оқиғаға қатты қайғырамын. Компания басшысы ретінде мен болашақта осындай жағдайлардың алдын алу үшін барлық шараны қабылдайтынымызға уәде беремін. Бірлесіп біз АрселорМитталды қауіпсіз және жақсы жұмыс орнына айналдыруымыз керек. Мен қайтыс болғандардың барлық отбасыларымен жеке кездестім. Сүйікті адамдарын жоғалтқаннан кейін қайғы-қасіретті білдіру үшін айтылар сөз жоқ. Біз өз жұмысына берілген және адал болған керемет әріптестеріміз бен достарымызды жоғалттық. Барлықтарыңызбен бірге қаза болғандардың отбасылары мен достарына шын жүректен көңіл айтамын. Біз олардың отбасылары мен достарына қолдау көрсету үшін күш біріктіруіміз керек. Ешқандай материалдық қолдау отбасылардың қайғы-қасіретін жұбата алмайды. Дегенмен, компания отбасыларға барлық қажетті қолдау көрсететініне сендіремін, - деді «АрселорМиттал Теміртау» АҚ бас директоры Биджу Наир.