Қазақстан мен Қытай арасындағы өткізу пункттері ашылды

ERNUR.KZ. Қытайдан жүк тасымалдаумен айналысатын азаматтар бақылау-өткізу пунктіне электронды кезек жүйесінде тіркелмей кіру мүмкіндігі үшін шекаралас аймақтағы жағдайды ушықтыруға тырысуда. Бұл республикалық маңызы бар автомобиль жолында көліктік коллапс жасау арқылы көрініс тапты, деп жазады ҚазАқпарат.

МКК мұндай азаматтарды шекарадан өткізу, оның ішінде электронды кезек жүйесі шеңберінде тауарларды өткізудің белгіленген тәртібін сақтауға шақырады.

Еске сала кетейік, бақылау-өткізу пунктіне келуді реттеу үшін процестің ашықтығын және шығындардың төмендеуін қамтамасыз ететін электронды кезек жүйесі енгізілген болатын. Енді кезекті алдын ала GoCargo.kz веб-сайтында немесе мобильді қосымша арқылы брондауға болады. Жүйеде «кері байланыс» сілтемесі бар, тасымалдаушыларды SMS хабарламалары арқылы хабардар етеді.

Жүйеде тіркелген көлік құралдарының барлық тізімін, сондай-ақ ағымдағы күні шекарадан өтуді күткен көлік құралдары (АТС) туралы мәліметтер көрсетіледі.

Электрондық кезек штаттық режимде жұмыс істеуде. Жалпы, ағымдағы жылдың 23 қазанынан бастап, осы уақытқа дейін электронды кезек жүйесі арқылы бақылау бекетінен 1069 АКҚ өткен, тәулігіне орта есеппен 23 АКҚ.

Бұрын хабарланғандай, пандемия басталғаннан бері Қытай Қазақстаннан көліктерді кіргізуге шектеулер енгізді.

Күнделікті қазақстандық тараптан 20-ға жуық АКҚ қабылданды. Кептеліс күшейе түсіп, «Нұр жолы» бақылау-өткізу бекетіндегі кезек 40 шақырымнан асып жығылды.

Кептеліс басталғаннан бері бірқатар шұғыл шаралар қабылданды. Келіссөздер Қытайдың орталық мемлекеттік органдары деңгейінде де, Қытайдың ШҰАА әкімшілігі деңгейінде де өткізілді.

Республикада енгізілген төтенше жағдайға байланысты жабылған Қытаймен өткізу пункттері ашылды.

Қытай тарапының эпидемиологиялық қауіпсіздікті қамтамасыз ету туралы қорқынышын ескере отырып, жүктерді Қазақстандық көлік-логистикалық орталыққа ішкі көлікке әрі қарай қайта тиеу және олардың баратын жеріне қарай жеткізу арқылы контактісіз механизмді енгізу туралы ҚР Үкіметі деңгейінде тиісті шешім қабылданды.

Бұл шаралар, соның ішінде жүктерді контактісіз тасымалдау механизмін енгізу, Қытай қабылдаған көліктердің санын көбейтуге мүмкіндік берді.

Сонымен бірге, ағымдағы жылдың 10 қарашасынан бастап Қытай қазақстандық тараптан көліктерді қабылдауды шектеді.

Қабылданған АКҚ санының төмендеу себептері, сондай-ақ Қытай тарапынан экспорттық тауарлардың қозғалысына тыйым салу туралы ресми ақпарат болған жоқ.

Қазақстан Республикасының мемлекеттік органдары, соның ішінде Қазақстанның Қытайдағы Елшілігі қытайлық тараппен тауарлар мен көлік құралдарының өткізу пункттерінен өтуін арттыру бойынша келіссөздерді жалғастыруда.