​Қазақстан Ресейдің құс өнімдерін кіргізуге шектеу қойды

Қазақстан Республикасының Ауыл шаруашылығы министрлігі мал шаруашылығы өнімдерін әкелуге бірнеше импорттаушы елдерге уақытша шектеу қойды, деп хабарлайды ERNUR.KZ. баспасөз қызметіне сілтеме жасап.

Заң бұзушылық анықталған өндірушілердің тізімін тұтынушыларға ақпарат ретінде ұсынады:
1. «Брянский бройлер» ЖШС, Ресей Федерациясы (бройлер балапанның ұшасы) – колиформ бактериясы және жалпы бактериалды ластану.
2. «Инжавинская птицефабрика» АҚ, Ресей Федерациясы (тауық қанаттары, бройлер балапанапың ұшасы) – сальмонелла, колиформ бактериясы және жалпы бактериалды ластану.
3. «Приосколье» ЖАҚ, Ресей Федерациясы (тауық қанаттары, жамбас) – сальмонелла, колиформ бактериясы және жалпы бактериалды ластану.
4. «Чебаркульская птица» ЖШС, Ресей Федерациясы (бройлер балапанапың еті, тауық қанаттары) – сальмонелла, колиформ бактериясы.
5. «Царицыно» ААҚ, Ресей Федерациясы («Царицино» тауық шұжығы, «Чесночек» пісірілген шұжығы) шошқа етінің ДНК анықталды.

Аталған заңбұзушылықтарды жою мақсатында Қазақстан Республикасы Ауыл шаруашылығы министрлігі импорттаушы елдің бақылаушы органдарына тиісті сұраныс жіберді.

Ауыл шаруашылығы министрлігі Қазақстан Республикасының азаматтарын ветеринариялық-санитариялық бақылау мен қадағалауға жататын қауіпсіз тамақ өнімдерімен қамтамасыз ету бойынша кешенді жұмысты жалғастырады.