Бүгінде бұл өнімдер санатына арналған бірыңғай халықаралық құжат жоқ.
фото:Sputnik / Санат Имангалиев
ERNUR.KZ. Астанада ет сапасын арттыруға арналған форум өтті, деп жазады sputnik.kz.
ISO/TC 34/SC 6 "Ет, құс еті, балық, жұмыртқа және олардан жасалған өнімдер" техникалық комитетінің пленарлық отырысында жылқы етін халықаралық стандартқа шығару туралы айтылды.
"Жылқы етінен дайындалатын өнімдерге арналған алғашқы халықаралық ISO стандартын әзірлеу туралы ұсыныс болды. Бүгінде бұл өнімдер санатына арналған бірыңғай халықаралық құжат жоқ", - дейді министрлікте.
Соның салдарынан терминологияға, жіктеуге, таңбалауға және сапаны бағалауға қойылатын талаптарда айырмашылықтар туындап, экспортқа кедергі келтіруі мүмкін, дейді ведомствода.
Болашақ стандарттың негізіне ГОСТ 34921–2023 "Ұлттық жылқы етінен жасалған өнімдер. Техникалық шарттар" құжатын алу ұсынылды. Стандарт дәстүрлі өнімдерді – қазы, шұжық, жал, жая, сондай-ақ ысталған және шұжық өнімдерін қамтуы мүмкін.
Қазақстан стандарт жобасын әзірлеу үшін халықаралық жұмыс тобын құрып, оған жетекшілік етуге және құжатты өндіруші елдермен одан әрі талқылауға дайын.
