Тоқаев Қазақстан Ауғанстандағы гуманитарлық дағдарысты еңсеру ісіне белсенді араласып жүргенін атап өтті.
ERNUR.KZ. Қазақстан президенті Қасым-Жомарт Тоқаев Алматыда Орталық Азия мен Ауғанстан үшін орнықты даму мақсаттары бойынша БҰҰ Өңірлік орталығын құруды ұсынды, деп жазады sputnik.kz.
Тоқаев Қазақстан Ауғанстандағы гуманитарлық дағдарысты еңсеру ісіне белсенді араласып жүргенін атап өтті.
"БҰҰ қамқорлығымен ауған халқына жан-жақты көмек көрсетуді одан әрі арттыру қажеттігін атап өткім келеді. Бұл тұрғыда Алматыда Орталық Азия мен Ауғанстан үшін орнықты даму мақсаттары бойынша БҰҰ Өңірлік орталығын құру маңызды", - деді президент елордада өтіп жатқан Астана халықаралық форумында.
Оның айтуынша, еліміз әрқашан бейбітшілік пен халықаралық қауіпсіздікті нығайту жолында бар күшін салады.
"Біз ядролық қарусыздануды қолдаймыз және Ядролық қаруды таратпау туралы шартты ұстанамыз. Біздің еліміз Сирия дағдарысын шешу үшін Астана бейбіт үдерісіне бастамашы болды. Елордамыз әлемдік діндер көшбасшыларының съездерін өткізетін тұрақты орынға айналды. Штаб-пәтері Астанада орналасқан Азиядағы өзара іс-қимыл және сенім шаралары жөніндегі кеңес өңірлік және жаһандық проблемаларды шешудің беделді тетігіне айналды", - деді мемлекет басшысы.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
