Министр дәрі бағасының жаздан бастап қалай өзгеретінін нақты болжай алмайтынын айтты.
ERNUR.KZ. Денсаулық сақтау министрі Ақмарал Әлназарова Үкімет үйіндегі баспасөз мәслихатында дәрі-дәрмектің бағасы жөнінде пікір білдірді, деп жазады inform.kz.
Министрдің айтуынша, былтыр кейбір дәрі-дәрмектің бағасы 14 процентке көтерілген. Биыл дәрі бағасын реттеудің екінші кезеңі жоспарда тұр.
«Мен айтып отырған бағаны реттеудің екінші кезеңіне биыл 1 767 дәрі түрі кіреді. Бірақ бірінші жартыжылдықта олай істеген жоқпыз. Өйткені талдау жасауға кірісіп кеткен едік. Бұл талдау шараны халық үшін барынша жұмсақ, зардапсыз қылу үшін жасалып жатыр», — деді министр.
Министр дәрі бағасының жаздан бастап қалай өзгеретінін нақты болжай алмайтынын айтты.
«Баға өседі немесе өспейді деп үзілді-кесілді айта алмаймын. Талдау әлі аяқталған жоқ. Сондықтан барынша оңтайлы шешім қабылдаймыз деп ойлаймын», — деді Ақмарал Әлназарова.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
