Осы жылдың 12 шілдесінде Қасым-Жомарт Тоқаев "ҚР кейбір заңнамалық актілеріне сақтандыру нарығын және бағалы қағаздар нарығын реттеу мен дамыту, банк қызметі мәселелері бойынша өзгерістер мен толықтырулар енгізу туралы" Заңға қол қойған болатын.
ERNUR.KZ. Елімізде ерлі-зайыптылардың зейнетақы аннуитеті енгізілді. Бұл туралы Орталық коммуникациялар қызметінде өткен брифингте ҚР Қаржы нарығын реттеу және дамыту агенттігі Төрағасының орынбасары Мария Хаджиева хабарлады, деп жазады inbusiness.kz.
Спикердің айтуынша, бұл ерлі-зайыптылардың немесе жақын туыстардың зейнетақы жинақтарын біріктіруге, оларға жеке кесте бойынша өмір бойы төлемдер белгілеуге мүмкіндік бермек.
"Мысалы, ерлі-зайыптылардың, 55 жастағы күйеуі мен әйелі тиісінше 11,6 млн теңге және 5 млн теңге мөлшерінде зейнетақы жинақтары бар. Бұл жағдайда күйеуі үшін ең төменгі күнкөріс деңгейінің 70% мөлшеріндегі ай сайынғы төлеммен зейнетақы аннуитетінің ең төмен құны 7,4 млн теңгені, ал әйелі үшін 9,2 млн теңгені құрайды. Яғни әйелдің жинақ сомасы жеке зейнетақы аннуитеті шартын жасасу үшін жеткіліксіз болып отыр", - деді агенттік өкілі.
Мария Хаджиева мұндай жағдайда жіинақтарды біріктіру және бірлескен зейнетақы аннуитеті шартын жасасу арқылы, ерлі-зайыптылардың әрқайсысы өмір бойы төлемдер алуға мүмкіндігі бар дейді.
"Бірлескен зейнетақы аннуитеттерін енгізу азаматтардың жинақ бастамаларын арттыруға және зейнеткерлікке шыққан кезде оларға қосымша жинақтарды қамтамасыз етуге мүмкіндік береді", - деді ол.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
