Депутаттың айтуынша, тиісті заң жобасы алдағы сессияда Парламентке енгізіледі.
ERNUR.KZ. Қазақстан парламентінде қоғамдық орындарда діни киім киюге тыйым салу мәселесі қаралуы мүмкін. Бұл туралы Мәжіліс депутаты Ермұрат Бапи айтты, деп жазады tengrinews.kz.
Мәжілісменнің айтуынша, қоғамда діни киім киюге тыйым салу мәселесі туындап отыр.
"Қазір біз үшін ең маңызды мәселе - еліміздің ұлттық мүддесін, ұлттық дәстүрін, ұлттық мәдениетін сақтау. Ал қазіргі жағдайға қарасақ, қоғамда қара киінген қазақтар көбейді. Бұл жағдай болашақ ұлттық мүддемізге елеулі зиян тигізеді", - деді мәжілісмен.
Депутаттың айтуынша, тиісті заң жобасы алдағы сессияда Парламентке енгізіледі.
"Сондықтан біз, депутаттар тобы, осындай заң жобасын дайындадық. Ол күзгі сессияда Парламентке ұсынылады. Менің ойымша, хиджаб, никаб және қоғамда басқа да діни киімдер кию туралы мәселе заңды қабылдағаннан кейін шешіледі. Сонда бәлкім, діни киім (кию – еск.) мәселесін қалай да реттейтін шығармыз", - деп түйіндеді ол.
![](/assets/thumbnails/08/0833959b85b93d3ce958f2edcb05c0fc.jpg ""Жолдасымды өз достары "КҮШІК КҮЙЕУ" деп кемсітетін": түркістандық келіншек замандастарына ренішін айтты")
