Қазақстанда жұмыссыз адамдар су тасқыны болған өңірлердің құрлысына тартылмақ

0
312

Бұндай бастаманы Еңбек министрлігі ұсынды.


Қазақстанда жұмыссыз адамдар су тасқыны болған өңірлердің құрлысына тартылмақ

ERNUR.KZ. Еңбек және халықты әлеуметтік қорғау министрлігі су тасқынынан зардап шеккен өңірлердің инфрақұрылымын қалпына келтіріп, жаңадан үй салуға жұмыссыз жүрген азаматтарды тарту туралы бастама көтерді, деп жазады azattyq-ruhy.kz.

Министрлік бұл жобаға «Бірге салайық!» деп ат қойған. Құрылыс компаниялары ұсынатын бос жұмыс орындарын Электрондық еңбек биржасынан көруге болады.

«Бұл жобаның маңыздылығы сол, біз жұмыс табуға және су тасқынынан зардап шеккен өңірлерді қалпына келтіруге қатысуға ниет білдірген әрбір адамды жедел жұмысқа орналастыру үшін цифрлық ортаны қамтамасыз етеміз. Қазіргі уақытта біз жұмыс берушілер базасын және бос жұмыс орындарын толықтырып жатырмыз. Өңірлер үшін кім-кімнің де қатысуы өте маңызды, өйткені, қазір білікті мамандар да, бейінді білімі жоқ мамандар да қажет екенін айта кету керек», – деп хабарлайды министрліктің баспасөз қызметі.

Естеріңізге сала кетейік, су тасқыны салдарынан Ақмола, Ақтөбе, Атырау, Батыс Қазақстан, Қостанай, Павлодар, Солтүстік Қазақстан облыстарының тұрғындары мен инфрақұрылымы зардап шекті.