Қазақстандағы 175 кәсіпорын 10 мың жұмыскерге 1,7 млрд теңгеге жуық жалақыны төлемеген.
ERNUR.KZ. Жұмыс берушілердің бұл заң бұзушылығы еңбек инспекторларының тексерісі кезінде анықталған деп жазады inbusiness.kz.
Еңбек және халықты әлеуметтік қорғау министрлігінің сайтында жарияланған ақпаратта кәсіпорын басшыларына 189 нұсқама беріліп, 24,6 млн теңгеден астам айыппұл салынғаны жазылған.
Бүгінде қызметкерлерін сан соқтырып, еңбекақысын төлемеген жұмыс берушілердің жартысынан көбі қарызын өтеп үлгерген.
"Қабылданған шаралар, соның ішінде жалақы бойынша берешекті өтеудің қатаң кестелері мен мерзімдерін белгілеу нәтижесінде 7,9 мың жұмыскердің құқықтары қорғалды. Оларға 1,3 млрд теңге төленді" - делінген хабарламада.
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
