SMS-хабарлама дерекқорда тіркелу туралы мәліметтері жоқ азаматтарға жіберіледі.
Қазақстандықтар 21 қазаннан бастап тұрғылықты жері бойынша тіркеу жайлы SMS-хабарламалар ала бастаған. Ішкі істер министрлігі хабарламаға қатысты түсініктеме берді, деп хабарлайды ERNUR.KZ Polisia.kz-ке сілтеме жасап.
Министрлік мәліметінше, осындай SMS-хабарлама дерекқорда тіркелу туралы мәліметтері жоқ азаматтарға жіберіледі. Сондықтан тұрғылықты жер бойынша тіркелу қажет.
Мұндай хабарламаларды жіберудің мақсаты – нақты тұратын жері бойынша тіркеусіз тұруға байланысты әкімшілік құқық бұзушылықтардың алдын алу. Сондай-ақ әлеуметтік-экономикалық тұрғыдан осал азаматтарға қосымша қаржылық жүктемені азайту (әкімшілік жауапкершілікке тартуды болдырмау үшін).
Бүгінде тұрғылықты жері бойынша тіркеусіз тұрғаны үшін 10 күннен 1 айға дейін ескерту түрінде әкімшілік жауапкершілік, 1 айдан астам уақытқа 7 айлық есептік көрсеткіш немесе 21 441 теңге мөлшерінде айыппұл қарастырылған (“Әкімшілік құқық бұзушылық туралы” Қазақстан Республикасы Кодексінің 492-бабы). Қазіргі уақытта тұрғылықты жері бойынша тіркеу қызметі “Электрондық үкімет” порталында, сондай-ақ “Halyk Bank” АҚ-нің – “Halyk Homebank” мобильді қосымшасында қолжетімді.
Тұрғылықты жер бойынша тіркелуді порталдағы “жеке кабинетте” (eGov.kz) немесе “eGov mobile” мобильді қосымшасында тексеруге болады.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
