Қаза тапқандардың отбасыларына бірінші кезекте көмек көрсету жөнінде тапсырма берілді.
фото: Пресс-служба правительства Казахстана
ERNUR.KZ. Премьер-министрдің орынбасары Қанат Бозымбаев бастаған үкімет комиссиясы Ұлытау облысындағы апат болған кенішке барды, деп жазады sputnik.kz.
Комиссия құрамында Ұлытау облысының әкімі Дастан Рыспеков, ТЖ министрі Шыңғыс Әрінов, ішкі істер министрінің бірінші орынбасары Бауыржан Әленов, еңбек және халықты әлеуметтік қорғау бірінші вице-министрі Ақмәди Сарбасов, денсаулық сақтау вице-министрі Ержан Нұрлыбаев, өнеркәсіп және құрылыс вице-министрі Иран Шархан, ҚР ТЖМ Өнеркәсіптік қауіпсіздік комитеті төрағасының міндетін атқарушы Рашид Дубаев бар.
Оқиға орнында ТЖ қызметі, ІІМ және Өнеркәсіптік қауіпсіздік комитетінің шұғыл тергеу тобы, сондай-ақ Еңбек және халықты әлеуметтік қорғау министрлігі мен Өнеркәсіп және құрылыс министрлігінің қызметкерлері жұмыс істеп жатыр.
Комиссия мүшелері оқиға орнында болып, тергеу барысымен танысты. Қаза тапқандардың отбасыларына бірінші кезекте көмек көрсету жөнінде тапсырма берілді.
Әрі қарай премьер-министрдің орынбасары Штаб отырысын өткізіп, қаза тапқандардың туыстарымен кездеседі.
![](/assets/thumbnails/9d/9de21c765ddd3bac6caa131b8f65f060.jpg ""Өте көп қарғыс алған адаммын... Сол қарғыс бала-шағама тиді"")
![](/assets/thumbnails/96/96b2c9126416d9958904712a35ba6d2f.jpg ""Анам күнде кешірім сұрайды": қайтыс боп кеткен атасын кешіре алмаған қыз оның қатыгездігін айтып берді")
