Заңбұзушылықтар расталған жағдайда Әкімшілік құқық бұзушылық Кодексіне сәйкес тиісті шаралар қабылданады.
фото:Sputnik/Ертай Сарбасов
ERNUR.KZ. Оқу-ағарту министрлігі Қордай ауданында мұғалімдерді әншінің концертіне билет алуға міндеттеуге қатысты тексеріс шараларын бастады, деп жазады sputnik.kz.
Әлеуметтік желіде тараған ақпаратқа сәйкес, Қордай аудандық білім бөлімі мұғалімдерді концертке билет алуға міндеттеген.
"Айбек Қайбулла деген әнші Қордайға келеді екен, билеті өтпей жатыр. Соның концертіне неге мұғалімдер ақша жинауы тиіс? Қордай аудандық білім бөлімінің тапсырмасы. Неге мектептерге бөліп тастайды? Билеті өтпесе, біз кінәліміз бе? Қайырымдылық концерті болса бір жөн", - делінген шағымда.
Оқу-ағарту министрлігінің баспасөз қызметі білім беру саласындағы сапаны қамтамасыз ету департаментінің шағымда баяндалған жағдай бойынша тексеріс шараларын бастағанын мәлімдеді.
"Заңбұзушылықтар расталған жағдайда заңнама шеңберінде, оның ішінде Қазақстан Республикасының Әкімшілік құқық бұзушылық туралы Кодексіне сәйкес тиісті шаралар қабылданады. Сондай-ақ, "Педагог мәртебесі туралы" заңның талаптарын бұзғаны үшін қызметтік тергеу негізінде Қордай ауданының жергілікті атқарушы органы өкілінің жауапкершілігі қаралады", - дейді министрліктің ресми өкілі Мереке Амангелдіқызы.
![](/assets/thumbnails/43/439f126e001c1cb0b1c2f9a57b1f21df.jpg ""Жетім жігітке күйеуге тисем екен" деп армандадым"")
