Қостанайда ер адам бұрынғы әйеліне пышақпен шабуылдады

ERNUR.KZ. Қостанайда 51 жастағы ер адам сұлулық салонында жұмыс істейтін бұрынғы әйеліне пышақпен шабуылдаған. Ол кезде әйел клиентіне маникюр жасап жатқан, деп жазады tengrinews.kz.

Полицейлердің мәліметінше, бастапқыда ер адам бұрынғы әйелін сыртқа шығарып сөйлеспекші болған. Алайда әйел сыртқа шығуға келіспегендіктен, ер адам оған бірнеше рет пышақ салып, артынша өзінің тамағын кесіп жіберген.

Полицейлердің мәліметінше, ҚР Қылмыстық кодексінің 24-бабының 3-бөлігі және 99-баптың 1-бөлігі бойынша сотқа дейінгі тергеу басталды. Қазіргі уақытта зардап шеккендер қалалық ауруханада, жағдайлары ауыр деп бағаланып отыр.