Қостанайда қоқыс жәшігінен табылған сәбидің анасына сот үкімі шықты

ERNUR.KZ. Қостанайда жаңа туған баласын қоқысқа тастаған 26 жастағы әйелге сот үкімі шықты, деп жазады kaz.nur.kz.

Бұл оқиға өткен жылдың қараша айында орын алған болатын.

Қостанайдың "Әуежай" ықшамауданындағы қоқыс контейнерлерінің бірінде аула тазалаушы сөмкеге оралған, кіндігі кесілмеген жаңа туған нәрестені тауып алған болатын.

Дәрігерлер келген сәтте бала клиникалық өлім жағдайында болған. Өкінішке орай, реанимациялық шаралар баланы аман алып қала алмады. Нәресте көз жұмды.

Кейін анасы табылып, іс "Жаңа туған баланы анасының өлтіру" бабы бойынша қаралды. Қостанай қаласының тұрғыны сот алдында жауап берді.

"Тобол Инфо" хабарлағандай, оның әрекеттері қайта қаралған. Нәтижесінде оған абайсызда кісі өлімі бабы бойынша үкім шықты. Айыпталуыш келіншек 1,5 жылға шартты түрде сотталған.

Процесс аясында сараптамалар жасалған. Олар барлығы психожарақаттану жағдайына байланысты себептерге қатысты болмаған деп тапқан. Сондай-ақ, әйел отбасынан жүктілігін жасырғаны белгілі болды.

Сәби дүниеге келгенде, ол оны өлі екен деп ойлаған, сондықтан оны тастап кеткен. Осыған байланысты, нәрестенің өлімі абайсыздықтан болғандықтан, істі қайта қарау туралы шешім қабылданған.