29 ақпанда Қазақстан Қырғызстанға Бішкектегі ЖЭО апаты кезінде екі мың тонна дизель отынын гуманитарлық көмек ретінде жіберген болатын.
ERNUR.KZ. Қырғызстан су тасқынына байланысты Қазақстанға гуманитарлық көмек жіберуге ниетті, деп жазады zakon.kz.
Бұл туралы 4 сәуірде жоғарғы кеңес отырысында министрлер кабинетінің төрағасы Ақылбек Жапаров хабарлады.
Сонымен қатар, ол Бішкектегі ЖЭО апаты кезінде Қазақстан Қырғызстанға бірден көмек қолын созғанын атап өтті.
"Қазақстандықтар көмек сұрамаса да, біз оларға гуманитарлық көмек жібереміз. Сондай-ақ, осы мүмкіндікті пайдаланып, Өзбекстанға, Түрікменстанға және Қазақстанға алғысымды білдіргім келеді. Көрші мемлекет басшыларының жақсы саясатының нәтижесінде, біз олардан көмек көрсетуді сұрамастан, олар бізге қол ұшын созды.",- деді Ақылбек Жапаров.
"Бұл бойынша Төтенше жағдайлар министрі жұмыс істеп жатыр. Қазақстанға отандық өнімдер жіберіледі", - деді Жапаров.
Ол сондай-ақ 8 сәуірде Қырғызстанға Қазақстан премьер-министрі Олжас Бектенов келетінін айтты.
Еске салайық, 29 ақпанда Қазақстан Қырғызстанға Бішкектегі ЖЭО апаты кезінде екі мың тонна дизель отынын гуманитарлық көмек ретінде жіберген болатын.
![«4 миллион теңгегеге «отырғызып» кетті: жаңа үйленген жігіт алаяқ](/assets/thumbnails/dd/dd426865b1e91661bfa60b38c19a3a8a.jpg "«4 миллион теңгегеге «отырғызып» кетті: жаңа үйленген жігіт алаяқ "келіншектің" арбауына түсіп қалған")
