LRT ісі: Күдіктілер жауап алуға шақырылды

14.01.2022 17:20

673

Тергеу әрекеттеріне қатысу үшін күдіктілер қорғаушыны өз бетінше шақыруға не қорғаушының қатысуын қамтамасыз етуі туралы өтініш жасауға құқылы.

ERNUR.KZ. Нұр-Сұлтан қаласы әкімінің экс-орынбасары Қанат Сұлтанбеков пен «Астана LRT» ЖШС-ның бұрынғы басшысы Талғат Ардан жауап алуға шақырылды, деп жазады Zakon.kz.

Ведомство берген ақпар бойынша Нұр-Сұлтан қаласы әкімінің бұрынғы орынбасары Қанат Сұлтанбековке, «Астана LRT» ЖШС басқарма төрағасы Талғат Арданға және басқа да тұлғаларға қатысты «Астананың жаңа көлік жүйесі» LRT, BRT/ITS жобасын іске асыруға бөлінген бюджет қаражатын жымқыру дерегі бойынша қылмыстық іс тергеліп жатыр.

Жиналған дәлелдемелер құқық қорғау органдарына күдікті Сұлтанбековтің әрекеттерін мынандай баптар бойынша анықтауға мүмкіндік берді:

176 («Ұйымдасқан топ құрамында қызмет бабын пайдалана отырып, аса ірі мөлшерде бюджет қаражатын бірнеше рет ұрлау») ,

235 («Бірнеше қылмыс жасау мақсатында ұйымдасқан топ құру және оны басқару») ҚР Қылмыстық кодексінің 1997 жылғы редакциясында,

189-бабы («Ұйымдасқан топ құрамында қызмет бабын пайдалана отырып, аса ірі мөлшерде бюджет қаражатын бірнеше рет ұрлау») қолданыстағы ҚК.

«Талғат Арданның заңсыз әрекеттері 1997 жылғы ҚК-нің 176-бабы, 262-бабы («қызмет бабын пайдалана отырып ұйымдасқан қылмыстық топқа қатысу») және қолданыстағы ҚК-нің 189-бабы бойынша сараланды»,–делінген Бас прокуратура хабарламасында.

Егер қорғаушыны күдіктілер немесе олардың заңды өкілдері, сондай-ақ олардың тапсырмалары бойынша басқа да адамдар шақырмаса, қорғаушының қатысуын қылмыстық процесті жүргізетін орган қамтамасыз етеді.