Мемлекет басшысы Павлодар облысының әкімін қызметінен босатты

Мемлекет басшысы Қасым-Жомарт Тоқаевтың жарлығымен Павлодар облысының әкімі қызметінен босатылды, деп хабарлайды ERNUR.KZ Ақорда ресми сайтына сілтеме жасап.

"Әбілқайыр Бақтыбайұлы Сқақов Павлодар облысының әкімі лауазымынан босатылсын", - делінген жариялаған жарлықта.

Президенттің жарлығымен Олег Павлович Крук Павлодар облысы әкімінің міндетін уақытша атқарушы болып тағайындалды.