Онда бір бала көз жұмса, екіншісі ауруханаға түскен еді.
ERNUR.KZ. Орал қаласында 5 жасар бала төртінші қабаттан құлап кетті, жазады inform.kz.
БҚО денсаулық сақтау басқармасының баспасөз қызметінен мәлім еткеніндей, оқиға 15 шілде күні «Астана» шағынауданында болды.
«Сағат 12.52-де 20-үйден биіктіктен құлау дерегі бойынша шақырту түскен. Оқиға орнына жеткен жедел жәрдем бригадасы 4-қабаттан құлаған 5 жасар баланы шұғыл түрде жақын маңдағы қалалық көпбейінді ауруханаға жеткізді. Қазіргі кезде бала жансақтау бөлімінде, жағдайы ауыр. Дәрігерлер медициналық тексеруден өткізіп жатыр», - деп хабарлады ведомстводан.
Еске сала кетейік, бұдан бұрын Оралда бір күнде екі баланың көп қабатты үйдің терезесінен құлап кеткенін жазған болатынбыз.
Онда бір бала көз жұмса, екіншісі ауруханаға түскен еді.
