Өскеменде аялдамада отырған ер адам қайтыс болды

ERNUR.KZ. Өскеменде аялдамада алаңсыз отырған ер адамның аяқастынан жүрегі қысып, қайтыс болып кетті, деп жазады azattyq-ruhy.kz.

Қайғылы оқиға бүгін таңертең Абай және Шәкәрім даңғылдарының қиылысындағы қоғамдық көлік аялдамасында болды.

Шығыс Қазақстан облысы полиция департаментінің мәліметінше, сағат 06:45-те №16 жедел медициналық жәрдем бригадасынан «102» арнасына аялдамада тіршілік белгілері жоқ ер адамның табылғаны туралы хабарлама түскен.

«Марқұмның 66 жастағы қала тұрғыны екені анықталды. Алдын ала мәлімет бойынша, өлімге жүрек жеткіліксіздігі себеп болған. Ер адам жедел жәрдем бригадасы келгенге дейін көз жұмған», – деп хабарлады ведомствоның баспасөз қызметі.