Өзбекстаннан Қазақстанның үш қаласына автобус қатынайтын болады

ERNUR.KZ. Өзбекстаннан Ресейге, Қытайға және Орталық Азия елдеріне жаңа халықаралық автобус бағыттары іске қосылады, деп жазады inbusiness.kz.

Қазақстанға жаңа автобус рейстері Бұхара-Түркістан, Үргеніш-Ақтау, Ферғана-Алматы (Тәжікстан аумағы арқылы) бағыттары бойынша жүретін болады.

Бұдан басқа автобустар Қырғызстан қалаларына жолаушылар тасымалдайтын болады: Әндіжан-Ош, Әндіжан-Жалал-Абад, Әндіжан-Арсланбоб, Касансай-Жалал-Абад, Бұхара-Бішкек.

Самарқанд пен Бұхарадан Душанбеге (Тәжікстан) тікелей рейстер ашылады. Нөкістен Үргеніш пен Бұхара арқылы Қытайдың Үрімші қаласына дейін жетуге болады.

Сурхандария облысын Мәскеумен тікелей автобус рейстерімен байланыстыру жоспарланып отыр.