Павлодарда 13 жігітті әскерилер клубтан ұстап алып, армияға алып кетті

06.12.2021 10:09

642

Павлодарда отан алдындағы борышын өтеуден жалтарғандар шетінен анықталып, осылай сауық-сайран құрып жүрген жерінен әкетіліп жатыр.

ERNUR.KZ. Қорғаныс министрлігі бүгін осы оқиғаның видеосын әлеуметтік желіге жариялады, деп жазады Ulysmedia.

«Әскерге барудан қашқандар шетінен ұсталып жатыр! Арнайы рейд: әскерден қашып жүргендердің ізіне түсу басталды», - деген жазбамен видео жариялады жаңалықтар қызметінің телеграм арнасы.

Тіпті түнгі клубқа да әскери іздеушілер келген. Қорғаныс ісі бойынша басқарма 13 қашқынды кешкі сауық құрып жатқан жерінен автобусқа салып алып кеткен.