Павлодарда жасөспірім 14-қабаттан құлап кетті

ERNUR.KZ. Павлодар қаласында 15-жасар жасөспірім терезеден құлап көз жұмды, деп жазады pavlodarnews.kz.

Облыстық полиция департаментінің мәліметінше, қайғылы оқиға 25 қыркүйек күнгі сағат 18.00-ден 19.00-ге дейінгі уақыт аралығында орын алған.

"Павлодар қаласының полициясына 2007 жылы туған кәмелетке толмаған бала 14-қабаттан құлап, алған жарақаттарынан оқиға орнында көз жұмғандығы туралы хабарлама келіп түсті", - деді департаментте.

Аталған факті бойынша қажетті тергеу іс-шаралары жүргізілуде. Бірқатар тиісті сараптамалар тағайындалды. Оқиғаның мән-жайы мен себептері анықталуда.