Павлодардағы балабақшада үш қабатты кереует баланың үстіне құлап кетті

0
352

Төсектің баланың үстіне құлаған сәті бейнебақылау камерасына түсіп қалған.


Павлодардағы балабақшада үш қабатты кереует баланың үстіне құлап кетті

ERNUR.KZ. Павлодардағы жекеменшік балабақшалардың бірінде үш қабатты кереует 2 жасар баланың үстіне құлап кетті, деп жазады stan.kz.

Оқыс жағдай ақпан айында болған. Төсектің баланың үстіне құлаған сәті бейнебақылау камерасына түсіп қалған. Видеодан үш бүлдіршіннің кереуетке шығуға талпынып жатқанын көруге болады. Сол кезде тербеліп тұрған төсек баланың үстіне құлап кеткен. Жиһаздың астында қалған бүлдіршіннің иығы сынып, жарақат алды.

Тәрбиеші ойыншықтарды жинап жүріп, балаларды назардан тыс қалдырған. Сорақысы, мекеме қызметкерлері болған жағдай туралы баланың ата-анасына ешетеңе айтпаған. Анасы ұлының жарақаты туралы кездейсоқ білген. Сөйтіп полицияға шағым түсірген.

Аталған дерек бойынша қылмыстық іс қозғалды. Білім басқармасының өкілдерінің айтуынша, міндетін тиісінше атқармаған тәрбиешінің мәселесі сотта қаралады.