Өрт құрбандарының көп болуына байланысты 22 қаңтар елде жалпыұлттық аза тұту күні болып жарияланды.
Фото: Ақорда
Қасым-Жомарт Тоқаев жеделхатта Болу провинциясында орналасқан Карталкая тау шаңғысы орталығында болған өрт салдарынан көптеген адамның қаза тапқаны туралы суыт хабарды терең күйзеліспен қабылдағанын жеткізді, деп хабарлайды ERNUR.KZ Ақорда баспасөз қызметіне сілтеме жасап.
Сонымен қатар Мемлекет басшысы Қазақстан халқының және өзінің атынан Түркия Президенті Режеп Тайип Ердоған мен жақындарынан айырылған отбасыларға, сондай-ақ бауырлас түрік халқына көңіл айтып, зардап шеккендердің тез арада сауығып кетуіне тілектестік білдірді.
Айта кетейік, Түркияның тау шаңғы курортындағы өрттен қаза тапқандар саны 76-ға жетті.
Еске салайық, Түркияның Болудағы Карталкая тау шаңғысы курортындағы өртке байланысты ауыр қайғыны бастан кешуде. Өрт құрбандарының көп болуына байланысты 22 қаңтар елде жалпыұлттық аза тұту күні болып жарияланды.
![](/assets/thumbnails/e3/e34afe81f7df270c14fbbca8850f8cc6.jpg ""Қайда қашып құтыларымды білмеймін": екінші рет тұрмысқа шыққан әйел басындағы қиындықты айтты")
![](/assets/thumbnails/b4/b4212ab3a53758a98ce97feaa8925c52.jpg ""Әкемнің анама деген махаббатын көріп өскеніме мақтанамын"")
