Психологтар әскери қызметшілер арасында 10 мыңнан астам сауалнама жүргізді

25.02.2025 15:18

191

Шекара қызметі ҚР шекара қауіпсіздігін қамтамасыз етудің 2024-2028 жылдарға арналған кешенді жоспарын әзірледі.

ERNUR.KZ. Әскери және құқықтық тәртіпті нығайту аясында Шекара қызметінің бөлімшелері Бас әскери прокуратура, Қорғаныс министрлігі және Ұлттық ұланмен бірлесіп әскери қызметшілер арасында лудомания, суицид және басқа да жағымсыз көріністердің алдын алуға бағытталған «Өмірді сақта» бағдарламасы іске асырылады. Бұл туралы ҚР Ұлттық қауіпсіздік комитеті Шекара қызметі директорының орынбасары Серік Рахимов ОКҚ алаңында хабарлады.

Атап айтқанда, офицер-тәрбиешілердің штаттық саны 138 бірлікке ұлғайтылды, бұл бөлімшелердегі әскери тәртіп пен құқықтық тәртіпті нығайтуға ықпал етуде.

«Оқу орталықтарында қызметке шақырылатын мерзімді сарбаздарды сапалы зерделеу үшін қосымша 66 тәрбиеші лауазымы, 40 психолог, оның ішінде полиграфологтар енгізілді. Бұл шаралар әскерге шақырылатын контингенттің сапасын және оларды бейімдеу процесін жақсартты. Өткен жылы әскери психологтар әскери қызметшілер арасында моральдық-психологиялық климатты зерделеу бойынша, сондай-ақ қызметтің әлеуметтік-тұрмыстық жағдайларын жақсартуға бағытталған 10 мың сауалнама жүргізді. 1 мыңнан астам консультациялық және түзету іс-шаралары өткізілді»,-деді спикер.

2023 жылдан бастап тәжірибеге енгізілген сарбаздардың аумақтық принцип бойынша мерзімді қызметін өтеуі оларды бейімдеу процесіне оң әсерін берді. Сонымен қатар әскерге шақырылушылар арасында жарғылық емес қатынастарды болдырмау үшін өткен жылдан бастап жаңадан келген әскерге шақырылғандар мен бұдан бұрын шақырылған әскери қызметшілердің бөлек қызмет ету тәжірибесі енгізілді. Яғни, олар қызмет кезінде бір-бірімен байланыста болмайды, бұл мүмкін жанжалдардың пайда болуын азайтады. Сондай-ақ командирлер оларға тәулік бойы бақылау жүргізеді. Әрқайсысына олардың сипатын ескере отырып, жеке ыңғай қолданылады. Корпоративтік құндылықтар, бірлік пен бауырластық рухы қалыптасады.

Шекара қызметі ҚР шекара қауіпсіздігін қамтамасыз етудің 2024-2028 жылдарға арналған кешенді жоспарын әзірледі. Жоспарда үш негізгі басымдық айқындалған: шекаралық инфрақұрылымды және басқару жүйесін жаңғырту, шекараны инженерлік нығайту, мобильді күштерді жабдықтау. 2024 жылдың қорытындысы бойынша қабылданған шаралар нәтижесінде жергілікті атқарушы органдар, қоғамдық бірлестіктер мен идеологиялық жұмыс жөніндегі ұйымдармен өзара іс-қимыл нығайтылды. «Сарбаздар аналар комитеті» республикалық қоғамдық ұйымымен өткізіледі. Сонымен қатар жастарды тәрбиелеу үшін «Застава тарландары» ардагерлер ұйымының өкілдері тартылады, олар тұрақты негізде профилактикалық іс-шаралар өткізеді. Қорғаныс министрлігі және Ұлттық ұлан, сондай-ақ мүдделі мемлекеттік органдармен бірлесіп жастарды әскери-патриоттық тәрбиелеу жөніндегі тиісті нормативтік құқықтық акт әзірленеді.

«Бұдан басқа, Шекара қызметі шекаралас аудан мектептерінде 375 «Жас Шекарашы» арнайы үйірмесін құрды, онда 7000-нан астам оқушы бар. Осы тұрғыда осы үйірмелердің 131 қатысушысы ҰҚК шекара академиясына, Қазақстан мен шет мемлекеттердің басқа да әскери жоғары оқу орындарына оқуға түскенін атап өту қажет. Жалпы, тәрбие және идеологиялық жұмыс бойынша қабылданып жатқан шаралар оң нәтиже береді»,-деді ведомство өкілі.