Солтүстік Қазақстанда үш апта бұрын жоғалған балықшының денесі табылды

42 жастағы Сергей Лебедев 21 қыркүйекте Қызылжар ауылына жақын жердегі Есіл өзеніне балық аулауға барған. Бірақ үйіне қайтып келген жоқ. Оны іздестіру іс-шараларына полицейлер мен еріктілер жұмылдырылды. Олар жақын жердің бәрін шарлап шықты. Орманды да қарады. Ал сүңгуірлер жоғалған балықшыны су астынан іздеді.

16 қарашада ер адамның денесін учаскелік инспектор тапты.

"Оны Қызылжар аудандық полиция қызметкерлері тапты. Ер адам суға батып кеткен", - дейді Lider.kz іздестіру тобының өкілдері.

Айта кетері, Петропавл қаласында 61 жастағы Юрий Волосниковты іздестіру шаралары жалғасып жатыр. Ол 24 қыркүйекте үйден шығып, қайтып келмеген. Сол күні оны көпірге баратын жолда қалалық жағажай жақта соңғы рет көрген. Осы уақытқа дейін Lider.kz қозғалысының еріктілері мен полицейлер Есілдің жағасын шолып шықты, саяжайларды да аралады. Бірақ әзірге нәтиже жоқ.