ERNUR.KZ. Мәдениет және спорт министрлігі Спорт және дене шынықтыру істері комитетінің «Спортты дамыту дирекциясы» РМК директоры мен оның орынбасары 584 миллион теңге бюджет қаражатын жымқырды деген күдікке ілінді, деп жазады Ulysmedia.kz.
Сыбайлас жемқорлыққа қарсы қызметтің ресми өкілі Данияр Бигайдаровтың айтуынша, Мәдениет және спорт министрлігіне қарасты Спорт және дене шынықтыру істері комитетінің «Спортты дамыту дирекциясы» РМК директоры мен оның орынбасарына қатысты тергеу аяқталған.
«Олар кәсіпкерлік субъектілерімен бірлесе отырып, спорттық құрал-жабдықтарды сатып алуға арналған 584 миллион теңге бюджет қаражатын жымқырды, сондай-ақ туроператорлармен қымбат бағада келісімшарттар жасасу арқылы қаражатты иемденді деп күдікке ілінді», – деді Бигайдаров.
Сонымен қатар, РМК директоры жеке компанияның басшысы бола отырып, 2021 жылы Батыс Қазақстан облысында футбол мен допты хоккей спортын дамытуға бөлінген 161,9 миллион теңге бюджет қаражатын жымқырған.
![](/assets/thumbnails/4a/4affd58ce4dc8597d56edd7e030c3d23.jpg ""Мен оның күйеуінен де зор жігітке тұрмысқа шығам" - қайынсіңлім анасына ұқсап бара жатыр"")
![](/assets/thumbnails/9a/9a9972faba03475642389a998b81afa2.jpg ""Ұлымды үйлендірсем, бір қыздың обалына қалам ба деп қорқамын"")
![](/assets/thumbnails/20/200876d33fbb574efe4f9058de5b6dc4.jpg ""ГОЛОСАҒАТ": көкшетаулық мұғалім сабақ берудің цифрлы әдісін ойлап тапқан (ВИДЕО)")
