«Теракт дайындалып жатыр»: Өскеменде жалған хабар таратқан тұрғын жауапқа тартылды

0
288

Орынсыз әзілдеген мас күйдегі 51 жастағы қала тұрғыны болып шықты.


«Теракт дайындалып жатыр»: Өскеменде жалған хабар таратқан тұрғын жауапқа тартылды

ERNUR.KZ. Өскемен қаласының тұрғыны полицияға терракт жайлы жалған хабар бергені үшін жауапқа тартылды. Бұл туралы ШҚО Полиция департаментінің баспасөз қызметінен мәлім етті, деп жазады azattyq-ruhy.kz.

Департаменттің мәліметіне сүйенсек, белгісіз ер адам тәртіп сақшыларына қоңырау шалған. Өз сөзінде ол Өскемен қаласында терракт дайындалып жатқаны туралы жеткізген.

«Полицейлер дереу сол жерге барған. Алайда тексеруден кейін бұл ақпараттың жалған екені анықталды. Орынсыз әзілдеген мас күйдегі 51 жастағы қала тұрғыны болып шықты», - делінген ақпаратта.

Мамандандырылған қызметтерді көрінеу жалған шақырғаны үшін ер адамға 30 АЕК мөлшерінде (110 760 теңге) айыппұл салынды.

Осы ретте, ведомство өкілдері қоғамдық резонанс пен ықтимал салдарларды ескере отырып, мұндай бұзушылықтар үшін қылмыстық жауапкершілік қарастырылғанын, ол бойынша 5 жылға дейін бас бостандығынан айыру жазасы көзделгенін ескертеді.