Тоқаевтың сынынан кейін жұмыстан кеткен Бармақов жаңа қызметке тағайындалды

ERNUR.KZ. Сайранбек Бармақов жаңа қызметке тағайындалды, деп жазады zakon.kz.

Президент Қасым-Жомарт Тоқаев сынға алған шенеунік қазір "Жол активтерінің ұлттық сапа орталығы" бас директорының орынбасары болып тағайындалды.

ҚР Индустрия және инфрақұрылымдық даму министрлігі Жол комитетінің экс-төрағасы Сайранбек Бармақов "Жол активтерінің ұлттық сапа орталығы" ШЖҚ РМК бас директорының орынбасары болып тағайындалды, - деп атап өтті ҚР ИИДМ.

Бармақовқа қатысты бұған дейін түсініксіз тағайындау болған.

3 сәуірде Сайранбек Бармақовтың "ҚазАвтоЖол" ҰК" АҚ Алматы облыстық филиалының директоры болып тағайындалғаны туралы хабарланды. Алайда 12 мамырда бұл ақпарат теріске шығарылды.

Автомобиль жолдары комитетінің бұрынғы төрағасы тағайындалғаны туралы жаңалықтарға байланысты түсінбеушілік болды. Кешірім сұраймыз. Сайранбек Бармақов "ҚазАвтоЖол" ҰК" АҚ Алматы филиалының директоры қызметіне тағайындалмаған, деп хабарлады ҚР ИИДМ баспасөз қызметі.

Бұл лауазымның әзірге бос екені айтылады.

20 сәуірде жол саласындағы бақылауды әлсіреткені үшін ИИДМ Автомобиль жолдары комитетінің төрағасы Бармақов, сондай-ақ Батыс Қазақстан, Солтүстік Қазақстан, Ақтөбе облыстары әкімдерінің орынбасарлары – Шакимов, Турков және Қалауовтардың қызметінен босатылғаны белгілі болды.