Тұтынушылар тарапынан түсетін шағым саны ұлғайды

Оның айтуынша, ағымдағы жылдың қорытындысы бойынша тұтынушылардың үлес салмағы бойынша шағымдарының ең көп саны келесі салаларда байқалады: бөлшек сауда – 21 700 (немесе 39%); электрондық сауда – 13 мыңдай (немесе 23%); тұрмыстық қызметтер – 5 мыңнан астам (немесе 9%).

Ең үлкен өсім қаржы қызметтерін көрсету (182%), білім беру, ұялы байланыс қызметтері (121%), туристік қызметтер (117%) сияқты салаларда орын алды.

«Тұтынушылардың шағымдарының көбеюі тұтынушылардың құқықтарын қорғау саласындағы күрделі жүйелік проблемалар туралы белгі береді. Бұл тұтынушылық құқықтарды қорғаудың тиімді құралын әзірлеу үшін мемлекеттің, бизнестің және қоғамның бірлескен күш-жігерін талап етеді. Қазіргі тұтынушылар тауарлар мен қызметтердің сапасына барған сайын талапшыл, бұл заңнаманы жетілдіруді ғана емес, сонымен қатар клиенттердің қажеттіліктерін қанағаттандыру үшін бизнестің тәсілдерін өзгертуді талап етеді», – деді спикер.

Келіп түскен шағымдардың жалпы санынан тұтынушылардың 45%-ының (25 192) өтініштері толық көлемде қанағаттандырылды. Бұл әрбір екінші тұтынушы әділ өтемақы алғанын білдіреді. Тұтынушылардың 35%-ы немесе 19 мыңнан астамы түсініктемелер мен кеңестер алды. Өтініштердің тек 8 800-і немесе 16%-ы ғана бірлескен жұмыс жүргізу үшін басқа мемлекеттік органдарға жіберілді. Әкімшілік жауапкершілікке 145 бизнес субъектісі 8,6 млн теңге сомасына айыппұл түрінде, 785 бизнес субъектісі ескерту түрінде тартылды.

Іс-шараларды өткізу нәтижесінде 1 720 млн теңге сомаға тұтынушылардың құқықтары қалпына келтірілді, өткен жылмен салыстырғанда бұл көрсеткіш 163%-ға өсті.