Бүгінде елімізде 374 автомектеп бар.
фото: Sputnik / Санат Имангалиев
ERNUR.KZ. Сенатор Марат Қожаев үкімет басшысына депутаттық сауал жолдап, ұсынды, деп жазады sputnik.kz.
Ресми мәліметке сәйкес, былтыр Қазақстанда 31 597-ге дейін тіркелген. Бұл көрсеткіш күрт өсіп отыр. Жарақат алғандардың саны да 109 процентке артты. Әсіресе, зардап шеккен және қайтыс болған балалар көбейіп отыр. Ал жол апаттарының 96 процентіне көлік жүргізушілерінің төмен дайындық деңгейі себеп болды.
"Жол ережесін бұзатын көлік жүргізушілерінің басым бөлігінде көлікті басқаруға қажетті білімі мен қабілеті жетіспейді. Себебі автомектептерді бақылау жүйесінде олқылықтар бар. Бүгінде елімізде 374 автомектеп бар. Алайда олардың қызметіне мемлекеттік бақылау тиісті деңгейде атқарылмайды. Соның салдарынан оқыту формалды түрде жүргізіледі. Ал түлектер қажетті дайындықтан өтпейді", - дейді Қожаев сенаттың бүгінгі отырысында.
Сенатордың айтуынша, көлік жүргізу куәлігін беру тәртібі де жиі бұзылады. Ал мамандырылған халыққа қызмет көрсету орталықтарында емтихан тапсыруға қажетті техника дұрыс істемейді, кейбір жерлерде автодром да жоқ. Осыған байланысты Қожаев көлік жүргізу емтихандарын тапсыру тәртібін қайта қарап, жаңа көлік жүргізушілері үшін сынақ мерзімін енгізуді ұсынды.
"Мен өзім бұрын жол апаттарын тергедім. Бізде көлік жүргізуге рұқсат оңай беріледі. Ашығын айту керек, бізде көлік жүргізу куәлігін оңай алуға болады. Оны бәріміз білеміз. Олай болмауы керек. Шетелде көлік жүргізуге рұқсат оңай берілмейді, ол жақта адамдар қажетті білім алып, көлік жүргізудің жауапкершілігін түсінгеннен кейін ғана көлікке отырады. Ал, ең бастысы, сол мүмкіндікті бағалайды. Бізде олай емес", - деді Қожаев журналистерге берген сұхбатында.
