«Ұят қайда»: Қызылордада аялдамадағы төбелес видеоға түсіп қалды

ERNUR.KZ. Қызылорда тұрғындары қала аялдамасының бірінде ер адамдар төбелесіне куә болды, деп жазады azattyq-ruhy.kz.

Куәгердің бірі төбелесті ұялы телефон камерасына түсірген. Кадрда бір-бірімен алысқан екі ер адамды көруге болады.

«Аялдамада бізді қоғамдық көлік күтіп тұрды. Бұл адамдар төбелесті, ұят қайда? Олар аялдамадағы өзге жандарды шошытты», - деп бейнежазбаның астына қала тұрғындары пікір білдірді.

Бұл оқиғаға Қызылорда қаласы полиция басқармасының баспасөз қызметі түсініктеме берді:

«Осы факті бойынша тексеру жүргізілуде. Оқиғаның мән-жайы анықталып жатыр», - делінген ПД жауабында