Жайық өзенінің деңгейі қауіпті шекке жақындады

0
582

Қазіргі таңда өзен жайылмаларында орналасқан саяжайлардан тұрғындарды көшіру жұмыстары жалғасуда.


Жайық өзенінің деңгейі қауіпті шекке жақындады

ERNUR.KZ. Жайық өзенінің деңгейі Орал қаласы тұсында бір тәулікте 34 сантиметрге көтерілді, деп жазады inbusiness.kz.

"Қазгидромет" РМК БҚО филиалының 20 сәуір күнгі сағат 08.00-дегі мәліметі бойынша қаладағы гидробекетте су деңгейі 828 сантиметрге жетіп, қауіпті шекке (850 см) таяп қалды.

Бәйтерек ауданы Январцев ауылында 899 (+15, қауіпті шегі – 1 250 см), Көшімде 804 (+16, 850 см), Тайпақта 504 (+9) сантиметрді көрсетті.

Сонымен қатар Жайыққа құятын Шаған өзенінің деңгейі Бәйтерек ауданы Чувашин ауылы тұсында 16 сантиметрге жоғарылаған (713 см, қауіпті шегі – 1 300 см).

Орал қаласы әкімдігінен алынған мәліметке қарағанда, қазіргі таңда өзен жайылмаларында орналасқан саяжайлардан тұрғындарды көшіру жұмыстары жалғасуда.