ERNUR.KZ. Әлеуметтік желіде қызды жасөспірімдердің жабылып ұрып-соғып жатқаны түсірілген видео тарады, деп жазады tengrinews.kz.
Видеоға бірнеше адамның орындықта отырған қызды қалай ұрғаны түсірілген: олар қызды бетінен теуіп, үстіне қоқыс төгіп, басына қоқыс жәшігін кигізген. (Tengrinews.kz редакциясы видеоны этикалық себептерге байланысты жарияламайды).
Видео кадры
Видео сипаттамасында оқиға Қазақстанда болғаны жазылған, бірақ қай өңірде екені белгісіз.
Tengrinews.kz тілшілері тарап жатқан видео ескі әрі Қазақстанға еш қатысы жоқ екенін анықтады. Видеодағы оқиға 2023 жылы 1 маусымда Ресейдің Смоленск облысында болған.
Видео кадры
Сол кезде ресейлік БАҚ жариялаған мәлімет бойынша, оқиға облыстағы балаларды әлеуметтік оңалту орталығының аумағында болған. Соққыға ұшыраған қыз ол кезде 12 жаста болып, ауыр жарақат алған. Ресейдің құқық қорғау органдары оны ұрып-соққандарға қатысты "Бұзақылық" бабы бойынша іс қозғағаны айтылған.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
