Жердің астероидпен соқтығысу ықтималдығы артты - NASA болжамы

07.02.2025 12:40

448

NASA-ның Жер маңындағы нысандарды зерттеу орталығының мәліметтері бойынша, 2024 YR астероиді 2032 жылы Жердің қасынан өтеді.

Фото:depositphotos.com

ERNUR.KZ. Астрономдар 2024 YR астероидінің Жермен тікелей соқтығысу ықтималдығы 2,3 пайыз деп бағалады, деп жазады tengrinews.kz.

NASA-ның Жер маңындағы нысандарды зерттеу орталығының мәліметтері бойынша, 2024 YR астероиді 2032 жылы Жердің қасынан өтеді. Ғарыштық нысанның тікелей соқтығысу ықтималдығы – 2,3 пайыз.

Эдинбург университетінің планетарлық астрономия профессоры Колин Снодграсс астероидтің ұшуы, ең ықтимал нұсқа бойынша, ешқандай қауіп төндірмейтінін айтты.

2024 YR4 астероидінің көлемі футбол алаңымен шамалас. Ғалымдар оны алғаш рет 2024 жылғы 27 желтоқсанда Чилидегі El Sauce обсерваториясында байқаған.

Астрономдардың бағалауы бойынша, оның диаметрі 40-90 метр аралығында. Жаңа жыл қарсаңында NASA бұл астероидті ерекше бақылауға алынатын нысан деп белгіледі.