ТҮРКІСТАН: Кентауда референдумға қатысты семинар өтті

Кентау қаласындағы «Жастар ресурстық орталығы» ғимаратында референдум бойынша жиын өтті, деп хабарлайды ERNUR.KZ.

Кентау қаласындағы «Жастар ресурстық орталығы» ғимаратында референдум бойынша «Партиялық емес байқау орталығы» республикалық қоғамдық бірлестігі Түркістан облыстық филиалының төрағасы семинар өткізді.

Семинарға қаладағы 34 референдум комиссиясының төрағалары мен хатшылары, аталмыш қоғамдық ұйымнан байқаушы ретінде ұсынылатын азаматтар қатысты.

Филиал төрағасы Бақытжан Әшірбаев референдум комиссиясы төрағаларының жұмысы, жалпы референдумды заң аясында өткізу мәселесіне терең тоқталды.

Семинар барысында қатысушылар тарапынан қойылған сұрақтарға Бақытжан Шәкірұлы заңға сәйкес жан-жақты жауап берді.