"Көлік иесі екі рет бағдаршамның қызыл белгісіне тоқтамай өтіп кеткен."
Шымкенттік көлік жүргізушіге 4 бірдей хаттама толтырылды, деп хабарлайды ERNUR.KZ.
Ағымдағы жылдың 18 шілдесінде патрульдік полиция полкінің қызметкерлері Шымкент қаласы Бас мемлекеттік санитарлық дәрігерінің №25-26 Қаулысына сәйкес қала аумағында карантин талаптарының сақталуына байланысты тексеру жүргізді.
Түнгі сағат 23:30 шамасында Түркістан және Д.Қонаев көшелерінің қиылысында Lexus GS300 маркалы автокөлігінің мемлекеттік белгісіз жүргенін анықталды. (алдыңғы мемлекеттік белгісі болмаған).
Автокөліктің төрт жақты терезелері күңгірттелген және көлік иесі екі рет бағдаршамның қызыл белгісіне тоқтамай өтіп кеткен.
Аталған жайт бойынша автокөлік жүргіушісіне 4 әкімшілік хаттама толтырылып, аталмыш көлік айыптұрағына жеткізілген.
