Бұл баспаналар әлеуметтік осал санаттағы азаматтарға берілді.
Шымкент қаласындағы «Көрме» орталығында үй кезегінде тұрған азаматтарға жалдамалы пәтер кілттерін табыстау рәсімі өтті. Жаңа пәтерлер 30 отбасыға берілді.
Іс-шараға қала әкімі Ғабит Сыздықбеков қатысты. Қоныс тойын тойлаған тұрғындарды құттықтаған мегаполис басшысы қала әкімдігі үшін тұрғындардың баспана жағдайын жақсарту стратегиялық міндеттердің бірі екенін атап өтті.
Бұл баспаналар әлеуметтік осал санаттағы азаматтарға берілді. Олардың қатарында мүгедектігі бар адамдар, ерекше балаларды тәрбиелеп отырған отбасылар, толық емес отбасылар, жетім балалар және ата-анасының қамқорлығынсыз қалған азаматтар бар. Пәтерлер Асар-2 және Тұран шағынаудандарында орналасқан және қоныстануға дайын.
Айта кету керек, қалада үй кезегінде тұрған азаматтарды жалға берілетін баспанамен қамтамасыз ету жұмысы жүйелі жүргізілуде. Тұрғын үйлерді бөлу және табыстау қолданыстағы заңнамаға сәйкес, белгіленген тәртіппен жүзеге асырылады.
![](/assets/thumbnails/e7/e7c2532b657bbe41a1327068db848352.jpg ""Досымыздың інісі мен келіні": Жазира Байырбекова болашақ құда-құдағиы Жанболат Ерболатовтан 11 жас кіші екенін айтты")
![Туу көрсеткішін арттыру үшін](/assets/thumbnails/ee/ee96de46eb1482f916131e481a73b998.jpg "Туу көрсеткішін арттыру үшін "пәк қыздарды импорттау" туралы ұсыныс жасаған: Оңтүстік Кореяда жанжал шықты")
![](/assets/thumbnails/00/00d8bf89b8b8d03b26d17a0872bd44f2.jpg ""Қызымды уысымда ұстаймын деп бүкіл өмірін қиындатыппын"")
