Жаңа жүйе алғаш рет Шымкент қалалық №6 емханада енгізілді.
ERNUR.KZ. Шымкентте тұрғындар медициналық ұйымдарға енгізілген «Әлеуметтік әмиян» пилоттық жобасының игілігін көруде.
Жаңа жүйе медициналық ұйымдар арасында алғаш рет Шымкент қалалық №6 емханада енгізілді. Пациенттер тегін босатылатын дәрі-дәрмектерді QR-коды арқылы алуда.
Тұрғындар енді бұрынғыдай емханаға қайта-қайта келіп уақыт жоғалтпайды. Дәрігерді рецепті eGov Mobile мобильді қосымшасына жүктеледі. Кейін пациентке 1414 арқылы хабарлама түседі. Пациент дәріханаға барып, ұялы телефонындағы QR кодын ұсынады. Фармацевт те бұрынғыдай ақпаратты қолмен енгізбейді, QR кодын сканерлеп, рецепт бойынша препараттарды береді.
Пилоттық жоба болғандықтан, 18 жасқа дейінгі емделушілерден QR-код талап етілмейді. Бұл әзірге динамикалық бақылауда тұрған пациенттер арасында қолданыста. Цифрлық жүйе тиімділігін көрсетіп отырғандықтан, емхана тәжірибесі қаладағы өзге де медициналық ұйымдарға енгізіледі.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
